Segundo informou o 112 Galicia, un particular foi quen, sobre as 20,00 horas deste xoves, chamou ao 112 Galicia para pedir axuda. Indicou que ardía unha tixola e os mobles da cociña dunha vivenda situada no lugar de Vilamor, en Piñeiró, no termo municipal do Saviñao.

Con estes datos, por parte do 112 Galicia pasouse aviso aos Bombeiros de Chantada, que se desprazaron ata o lugar. Tamén se deu conta do suceso á Garda Civil e aos efectivos de Protección Civil.

Tras chegar ao lugar, os Bombeiros comunicaron que non eran necesarios os medios sanitarios, pero que unha patrulla da Garda Civil ía trasladar a unha muller ata o centro de saúde da localidade debido a unha queimadura que tiña nun brazo.

As mesmas fontes sinalaron que arderon os mobles da cociña por completo e o resto da vivenda viuse afectada o fume. Unha vez extinguido o lume, os profesionais de extinción procederon a ventilar a vivenda.