Paco Macías, fundador e director de Edicións Positivas, impartiu unha conferencia no Círculo Saviñao sobre o secuestro do trasatlántico portugués, Santa María, no que viaxaban 612 pasajeros e 350 tripulantes en viaxe desde La Guaira (Venezuela) e Curazao a Port Everglades, Santa Cruz de Tenerife e Lisboa.
O secuestro deste barco por un comando do Directorio Ibérico de Liberación, formado maioritariamente por exiliados e emigrados en Venezuela, encabezado por Xosé Velo Mosquera, o militar español José Fernández Vázquez “comandante Sotomayor” e o militar portugués Henrique da Malta Galvão, ocorría fai 59 anos.
Macías baseou a súa intervención na obra editada por Positivas, do escritor Xavier Montnayá, “Piratas da Liberdade”. Nesa acción participara directamente un veciño de Escairón, Basilio Losada, e un monfortino, Alfredo Yllanes Ferro. Macías quere que o próximo ano se conmemore o 60 aniversario con información ata agora descoñecida desa acción contra Oliveira Salazar e Franco e da importancia internacional que tivo naquela época como denuncia das ditaduras da península.
