A cita será no stand de Galicia, contando coa Directora Xeral de Patrimonio Cultural que se achegará ao estado no que se atopa a candidatura ante a UNESCO. O Presidente do Consorcio centrarase en dar a coñecer os dous ámbitos de actuación nos que vai a centrar a súas estratexias de produto:
- Turismo familiar (oferta de escapismo)
- Turismo de benestar (baños de bosque e outras propostas mindfulness)
Presidente e xerente levan consigo unha concorrida axenda de reunións e contactos cos que contan seguir avanzando no posicionamento de Ribeira Sacra baixo as premisas dunha xestión sustentable do xeodestino.
FITUR, a primeira cita anual para os profesionais do turismo mundial e a feira líder para os mercados receptivos e emisores de Iberoamérica acollerá outra interesante cita, neste caso o venres 24 de xaneiro, no estand do Ministerio de Agricultura, Pesca e Alimentación (9 C14). Ás 10.15 celebrarase a mesa redonda “Enoturismo, xerando valor nas zonas rurais”, organizada pola Conferencia Española de Consellos Reguladores Vitivinícolas (CECRV), en colaboración coa Asociación Española de Cidades do Viño (ACEVIN).
O encontro servirá para expoñer aos profesionais o nivel de desenvolvemento alcanzado polo enoturismo e o seu enorme potencial para impulsar o desenvolvemento de numerosas zonas rurais. Comezando por unha contextualización sobre a situación do enoturismo na actualidade, a cita servirá para que os profesionais do turismo coñezan o elevado nivel e o potencial do enoturismo en España, deixando claro o seu carácter de produto experiencial e colaborativo, resultado da unión do prestixio das Denominacións de Orixe, do saber facer das adegas das súas zonas e da colaboración de múltiples axentes do territorio: administracións locais, establecementos de hostalería e outras iniciativas privadas.
