O certame está organizado polo Banco de España, a CNMV (Comisión Nacional do Mercado de Valores) e o Ministerio de Economía. A gran final que se celebrará o luns, 5 de outubro, coincide co Día da Educación Financeira. Os coñecementos adquiridos polo alumnado póñense a proba mediante un concurso de preguntas e respostas sobre cuestións económicas e financeiras, mediante a celebración de distintas fases eliminatorias: as primeiras delas foron on-line o curso pasado e as restantes presencialmente en distintas sucursais do Banco de España ou na sede da CNMV.
A final será o acto principal, que terá lugar no Palacio da Bolsa en Madrid e poderá presenciarse en directo vía streaming a través da páxina creada ao efecto para celebrar o Día da Educación Financeira.
“Pase o que pase na final, o éxito do alumnado do IES Río Cabe é absoluto”, animan desde o IES Río Cabe. Os premios consisten en 3.000 euros (para o gañador) e 1.500 euros (para o finalista) en material escolar, unha tablet para cada alumno/a dos dous equipos finalistas e unha visita cultural ao Banco de España, á Cámara de Oro e ao Palacio da Bolsa para os dous equipos que lograron chegar a esta final.
Alumnado IES Río Cabe no Concurso de Coñecementos Financieros
