- Advertisement -
O pleno da Sala de Goberno do Tribunal Superior de Xustiza de Galicia (TSXG) aprobou a súa proposta de novos órganos xudiciais na Comunidade galega para este ano. O plan inclúe oito xulgados de nova creación, entre os que se atoparía un do Social para Lugo e un segundo xulgado de Primeira Instancia e Instrución para Sarria.
O TSXG solicita novos órganos nas catro cidades galegas, ademais dun aumento de prazas nas audiencias provinciais. Basea a proposta nos “números de entrada de asuntos que se rexistra nestes órganos xudiciais”, superiores ao establecidos polo Consello Xeral do Poder Xudicial.
