EFE.- Unha muller de 43 anos de idade, con iniciais M. F. S, resultou ferida á primeira hora da mañá nun aparatoso accidente de circulación que se produciu no centro urbano de Monforte de Lemos.
Segundo informaron fontes dos servizos de emerxencias, o sinistro produciuse ás 07:56 horas, por mor dunha colisión por alcance entre dous vehículos na rúa Doutor Casares.
A persoa que avisou ao 112 informou de que un dos condutores implicados resultara ferido, polo que, ademais de mobilizar á Policía Local, a Protección Civil e aos Bombeiros de Monforte, tamén foi mobilizado o servizo de urxencias sanitarias do 061.
O 061 enviou ao lugar do accidente a unha ambulancia de soporte vital básico que, despois de prestarlle os primeiros auxilios no mesmo lugar do accidente, evacuou a vítima ao Hospital Comarcal de Monforte de Lemos.
