O número de casos activos por coronavirus na área sanitaria de Lugo ascende a 558, o que supón 25 positivos máis ca os rexistrados onte. Desta maneira, a provincia continúa sen grandes repuntes de diagnósticos, segundo os datos do Sergas.

Do total de doentes, trece permanecen na UCI, 87 están en hospitalización (once en Monforte), e o resto atópanse no seu domicilio. O número destes últimos segue aumentando, pero a menor ritmo que en xornadas anteriores.

A Consellería de Sanidade tamén informa do total de casos para o conxunto de Galicia: 4.926 positivos, con 531 altas e 168 falecementos.

Podes ler a información completa no Galicia Confidencial.