O ‘Diario de corentena’ torna agora nun ‘Diario de desescalada’, un camiño de volta cara a esa nova normalidade da que tanto nos falan e que aínda ninguén é capaz de se imaxinar. Pedro Sánchez anunciou hoxe que esa situación non se alcanzará ata finais do mes da sega. De aquí a aló, agárdanos un plan de transición en catro fases e un millón de preguntas.
Nun tempo, tocará afacerse a pedir cita previa ata para ir mercar unhas zapatillas novas que substitúan esas que se estragaron de tanto estar na casa. Faremos memoria para pensar que calzado poñiamos, vestiremos unha máscara nos fociños e iremos ata a terraza dalgún bar ao 30% da súa ocupación. De momento, esquecede os reencontros nos salóns dos fogares. Segue o Diario de desescalada no Lugo Xornal.
[ Esta peza forma parte dun ‘Diario de corentena’ —agora Diario de desescalada— que se ha ir escribindo (martes, xoves e domingos) dende o Lugo Xornal, o Xornal da Mariña e o Xornal de Lemos ]
