Este sábado, 23 de maio, a provincia de Lugo conta con 56 casos activos de coronavirus, 4 menos ca onte, dos que 2 están na UCI, igual ca onte; todos eles no HULA. 53 persoas están nos seus domicilios con diagnóstico positivo, 4 menos ca onte. Desde o comezo da crise, na provincia lévanse producido 860 altas e mantéñense os falecementos en 27.
A DomusVi de Bóveda vén de comunicar a curación de 6 usuarios deste centro de atención a persoas con discapacidade que aínda conta con 4 usuarios infectados e 3 traballadores. O número de vítimas mortais do coronavirus en Galicia elevouse a 612 tras a confirmación nas últimas horas de dous novos casos rexistrados en hospitais galegos. Segundo os datos facilitados pola Consellería de Sanidade, trátase dun home de 79 anos ingresado no CHUAC e dunha muller de 88 anos que permanecía no CHUO. Os dous presentaban patoloxías previas
