A obra de modernización da rede interna do depósito e telexestión do sistema contou cun investimento de 40.000 euros con cargo o Plan Único de 2019 e supuxo unha importante mellora nas instalacións municipais.

As obras permiten que agora se poida controlar o consumo por zonas e detectar posibles fugas ou enganches ilegais. O Concello vai facer un estudo minucioso por tramos para detectar este tipo de anomalías e impor sancións a quen incumpra.

Ao mesmo tempo recórdase a importancia dun consumo de auga ordenado e a prohibición de regar, lavar coches ou encher piscinas con auga da traída, entre outras posibles ilegalidades.