HomesociedadeSeguen subindo os casos de Covid19 na Mariña con 22 infectados

Seguen subindo os casos de Covid19 na Mariña con 22 infectados

A provincia conta con 38 casos activos, dos que 22 están localizados na Mariña. A maioría dos novos infectados son asintomáticos, cun único ingresado no Hospital da Costa; continúan os rastrexos, con "máis de 200" probas realizadas.

Publicado o

- Advertisement -

Este sábado, 27 de xuño, a provincia de Lugo conta con 38 casos activos de coronavirus, 7 máis ca onte, dos que 2 están en hospitalización, un deles no HULA e o outro no Hospital Público da Mariña. Os 36 restantes están confinados nos seus domicilios.

O Servizo Galego de Saúde (Sergas) constatou, na Mariña, a existencia de dous focos da doenza, en Xove e Burela, aínda que hai infectados en varios municipios da bisbarra. Deste xeito, o número de casos activos na comarca ascende, este sábado a 22, dos 38 que hai na provincia.

Os novos casos da costa de Lugo son froito dos rastrexos e teñen polo tanto “relación” cos dous núcleos localizados, segundo confirman fontes do Sergas.

A Consellería de Sanidade expón que as probas realizadas a partir de detectarse o primeiro caso de infección por Covid-19 na Mariña, o pasado martes nun núcleo familiar de Xove, “superan as 200. Nestes momentos, aínda hai estudos pendentes de obter o resultado, ao tempo que se seguen a facer máis probas aos contactos xurdidos dos novos casos”, indica.

ÚLTIMAS

“Coreografías do facer: imaxes do traballo feminino en Gustav Henningsen”, a exposición na igrexa nova de Chantada

A igrexa nova de Chantada acolle ata o 20 de abril a exposición "Coreografías...

Monforte presenta a programación da Feira Medieval na inauguración do Mercado previo a esta cita

A 21ª edición da Feira Medieval celebrarase os días 19 e 20 de abril...

O Ministerio de Transportes responde a Por un Interior Galego Vivo

O Ministerio responde sinalando os plans previstos en determinados puntos das estradas. Están en...

Éxito da carreira Xacorun e para o 3 de maio prepárase a Pretorian Race

No encontro avaliouse o éxito de participación que rexistrou un ano máis a primeira...