HomeCulturaFin de semana de música na Pobra do Brollón e espectáculo infantil...

Fin de semana de música na Pobra do Brollón e espectáculo infantil en Quiroga

Este sábado, 4 de xullo, ás oito do serán, a Casa da Cultura de Quiroga acollerá o espectáculo infantil “Fantasía Musical”; mentres A Pobra do Brollón celebra o domingo, día 5, un novo concerto para o vermú coa Garabelo no bar Pirata.

Publicado o

POR
Redacción
- Advertisement -

O trío Garabelo ofrecerá un concerto este domingo na Pobra do Brollón. Comezará ás 13:00 no Bar Pirata. O evento é parte do ciclo de concertos ‘Con-certa Normalidade’, unha proposta do Concello da Pobra do Brollón para apoiar a hostalería e os artistas locais.

Garabelo son Brais Olmo no clarinete, Borja López na guitarra e Pablo Camarero no violino. Tocarán composicións propias baseadas en melodías tradicionais. O concerto é de balde, previa reserva no teléfono 982 430 455. Idealmente as reservas deberán facerse por grupos para facilitar a organización das mesas de modo que se poida manter as distancias de seguridade. O concerto de Garabelo é o penúltimo do ciclo, que rematará o domingo 18 de xullo con Xerezade.

Garabelo

A palabra Garabelo ven do barallete, xerga de canteiros, paragueiros e músicos da Ribeira Sacra, e significa “fermoso”. O nome é unha declaración de intencións, xa que segundo asegura a formación os seus temas buscan crear atmósferas amables nas que quen escoita se sinta cómodx.

Garabelo é un grupo que nace da inquedanza de tres músicos de Saltanocribo que deciden tomar un camiño diferente explorando as sonoridades dos seus instrumentos dun xeito diferente, buscando a beleza das diferentes combinacións tímbricas e expresivas deles.

O espectáculo infantil Fantasía Musical en Quiroga

O Concello de Quiroga continúa desenvolvendo a súa programación cultural prevista para este verán cun novo espectáculo infantil. Este  sábado, día 4 de xullo, a partir das oito do serán, a Casa da Cultura acollerá o espectáculo infantil  “Fantasía Musical” a cargo  de María Faltri e Jorge Juncal.

Para o desenvolvemento da actividade, o Concello de Quiroga levará a cabo  medidas de seguridade vixentes, limitando o aforo do salón de actos da Casa da Cultura e poñendo xel desinfectante a disposición dos participantes que obrigatoriamente deberán usar máscara.

ÚLTIMAS

Como limpar os montes e evitar lumes ao carón das casas?

A Xunta ofrece plantas específicas nestas franxas secundarias para evitar incendios. Os propietarios teñen...

Cantos de Taberna no Saviñao

O Concello do Saviñao organiza unha nova edición de Cantos de Taberna para ambientar...

Aberta a inscrición nas XXIII Xornadas Pedagóxicas que organiza a Rede Museística en Tor e San Paio de Narla

A deputada de Cultura, Iria Castro, e a xerente da Rede Museística Provincial de...