HomesociedadeMonforte inicia as actividades do Campamento Deportivo de Verán

Monforte inicia as actividades do Campamento Deportivo de Verán

Este luns, 13 de xullo, comeza a actividade da primeira quenda do Campamento Deportivo de Verán organizado polo Concello de Monforte, no que participarán un total de 72 rapaces, o cen por cen das prazas ofertadas para esta primeira quenda.

Publicado o

POR
Redacción
- Advertisement -

Para a organización desta edición deseñouse un protocolo de seguridade e hixiene centrado, primeiramente,  en velar pola seguridade de participantes e monitores. As liñas estratéxicas deste protocolo son:

  •  Grupos reducidos de 10 persoas.
  •  Monitores e monitoras fixos para cada grupo durante cada quenda.
  •  Espazos fixos e exclusivos para cada grupo.
  •  Material deportivo exclusivo para cada grupo.
  •  Material de obradoiros exclusivo para cada alumno e alumna  
  • Limpeza e desinfección diaria dos espazos utilizados.
  •  Hixiene de mans constante.
  •  Dotación de mascaras e xeles desinfectantes para os participantes.

En canto ás actividades, dende o Concello deseñouse unha programación atractiva, tendo en conta a situación actual, composta por actividades deportivas, obradoiros, excursións e actividades especiais como hípica e piragüismo.

A través da páxina web do Concello pódense descargar diferentes documentos de interese para os participantes no Campamento Deportivo de Verán:

  • A composición de cada un dos grupos e a instalación asignada
  • O protocolo de prevención do COVID-19 establecido. 
  • As normas e recomendacións de participación
  • A programación de actividades da primeira quenda.
  • O horario do servizo de transporte.

O Alcalde, José Tomé Roca, valorou moi positivamente o éxito en canto á cobertura de prazas e agarda que todos os “nenos e nenas poidan disfrutar das súas vacacións a través do Campamento Deportivo do Concello, practicando un variado número de actividades, tanto deportivas coma excursións e obradoiros”.

ÚLTIMAS

Olalla Rodil destaca en Sarria que o BNG traballará desde o congreso para mudar a política industrial

Rodil visitou o Polígono do Morelle xunto co Vicepresidente da Deputación e concelleiro do...

Chantada reforza o acceso á información turística nun outono que segue atraendo visitantes á Ribeira Sacra

Destaca o interese dos visitantes nesta época do ano na que a paisaxe do...

A Deputación adxudica a explotación dos Náuticos Ponte do Sil e Maiorga

Con estes acordos, a institución provincial dá continuidade á actividade turística e de lecer...

Beth Willard, recoñecida xornalista e crítica de viños, visitou a Ribeira Sacra

O Consello Regulador da Ribeira Sacra encargouse de coordinar a estancia e a programación...