As Igrexas de Santiago de Triacastela, Santa María de O Cebreiro, o punto de información do Mosteiro de Samos, O Salvador de Sarria e San Nicolás de Portomarín, estarán abertas ós peregrinos que fagan o Camiño de Santiago este verán. Deste xeito, os camiñantes que así o desexen, poderán pernoctar unha única noite nos templos adaptados para tal fin.
Esta iniciativa estará dispoñible ata outono que é cando máis turistas de todo o mundo percorren as rutas xacobeas.
O acordo, celebrado entre a Directora de Turismo da Xunta, Nava Castro, xunto ó bispo da Dióecese de Lugo, Alfonso Carrasco, ten como obxectivo poñer en valor o patrimonio espallado polo territorio galego. A iniciativa arrancou logo dun estudo realizado pola Universidade de Santiago de Compostela onde se analizou o impacto da ruta no eido cultural. Unhas das conclusións deste estudo é que un dos aspectos máis valorados polos residentes dos concellos por onde transcorren o Camiño de Santiago é a súa contribución á restauración e á mellora do patrimonio cultural e a oportunidade para coñecer outras culturas.
