Aínda que a súa vida está moi vinculada a Compostela, Ana Pontón é sarriá de nacemento, concretamente de Chorente, a súa parroquia natal, lugar onde quixo arrincar a carreira cara ás urnas tal como demos conta días atrás dende Xornal de Lemos.

A portavoz nacional e candidata, que na súa ‘estrea’ como cabeza de lista en 2016 era considerada polo seus “nova, pero sobradamente preparada”, chegou a estas eleccións sendo nai dunha nena e enarborando a bandeira do feminismo e as medidas de conciliación.

O reto nas eleccións do pasado domingo era chegar á presidencia da Xunta de Galicia. Non foi posible, Feijóo fíxose de novo coa maioría absoluta, pero acadou un importante premio de consolación situar a formación nacionalista como primeira forza da esquerda co mellor resultado en escanos da súa historia, ao conseguir un total de 19, un máis que o teito electoral cultivado en 1997. Precisamente, aquelas foron as primeiras autonómicas nas que Pontón puido votar.

Información de interese e complementaria no Galicia Confidencial.