HomesociedadeJosé Manuel Calderón peregrinará polo Camiño de Inverno

José Manuel Calderón peregrinará polo Camiño de Inverno

José Manuel Calderón, que fora xogador da NBA e da Selección, peregrinará en agosto polo Camiño de Inverno na VI edición de "El Camino acaba en Obradoiro", iniciativa impulsada por Monbus Obradoiro coa colaboración da Xunta de Galicia.

Publicado o

POR
Redacción
- Advertisement -

A iniciativa El Camino acaba en Obradoiro permite potenciar os vínculos entre o deporte e a Ruta Xacobea e que este ano fichou ao coñecido deportista José Manuel Calderón co obxectivo de reactivar a peregrinación polo Camiño de Inverno. 

A inciativa baséase en catro obxectivos: facer un documental da personaxe, homenaxear ao xogador, así como a xeración de ouro do baloncesto español á que pertence, promocionar a imaxe de Galicia e recadar fondos para fines solidarios. 

Concretamente, os fondos desta sexta edición destinaranse a apoiar a educación integral dos mozos a través do baloncesto e permitindo a posibilidade de incorporar programas na canteira do Obradoiro CAB para xoves promesas do baloncesto, independentemente da súa realidade social. 

Pola Ribeira Sacra

El Camino acaba en Obradoiro empezou a celebrarse no ano 2015 centrándose en cada ocasión nunha ruta diferente. O protagonista desta edición percorrerá o Camiño de Inverno, un itinerario cun importante potencial de crecemento ante a candidatura de Ribeira Sacra a Patrimonio Mundial no 2021 e que conta cun patrimonio natural e etnográfico excepcional. 

“Calderón, igual que os resto de peregrinos que elixen este Camiño, poderá gozar durante a súa experiencia de paisaxes de enorme riqueza como a Ribeira Sacra a un ano vista do seu agardado recoñecemento por parte da Unesco”, salienta o conselleiro Román Rodríguez. 

Ao respecto, lembrou que o seu departamento está dedicando importantes recursos a este trazado, no que este ano inviste 1,5M€ en accións de sinalización, acondicionamento e mellora: “Estamos convencidos que co noso esforzo e con colaboradores como o Obradoiro e Calderón conseguiremos fomentar e impulsar as riquezas deste importante trazado”. 

O deportista comezará o seu percorrido polo Camiño de Inverno o luns 3 de agosto, cando partirá desde Monforte de Lemos ata Chantada. A continuación peregrinará ata Rodeiro para seguir avanzando, xa o mércores, ata Silleda. Na última etapa, percorrerá o tramo entre Ponte Ulla e Compostela. Durante a súa travesía está previsto que o acompañen figuras do deporte como Juan Antonio Corbalán, protagonista da segunda edición deste proxecto, Amaya Valdemoro, participante na pasada edición ou  Moncho Fernández, adestrador do Monbus Obradoiro. 

ÚLTIMAS

O Centro Comercial Ponte Vella dálle a benvida ao Nadal

O C.C. Ponte Vella dará a benvida á Nadal hoxe co acto simbólico de...

“Entre Bruxas” en Torbeo, este 21 de novembro desde as 18:00

No 2025, asociación e concello puxeron en marcha «Tempo de Bruxas», un encontro dedicado...

Mitin dos socialistas en Quiroga e encontro en Taboada

Os candidatos do PSdeG ao Congreso e ao Senado por Lugo, Patricia Otero e...

AulABERTA presenta o último poemario de Abraham Pérez este 19 de novembro no Centro do Viño

O acto celebrarase ás 19:00 horas no Centro do Viño de Monforte de Lemos...