A Asociación Cultural Amigos do Folión de Carros de Chantada, despois de reunirse en asemblea os socios/as, carroceiros/as e representantes do Concello, comunica a CANCELACIÓN DO DESFILE DO FOLIÓN DE CARROS 2020, previsto para o sábado, 22 de agosto.

Dada a evolución da situación de alerta sanitaria, a Asociación asegura que toma a decisión desde a responsabilidade, seguindo as recomendacións da administración sanitaria, coa finalidade de non pór en risco a saúde dos participantes, veciños/as e visitantes.

Co fin de preservar o espírito do Folión, a Asociación anuncia que traballará na realización, sempre que sexa posible, de pequenas actividades que, en ningún caso, leven aglomeración de xente e baixo o estrito cumprimento dos protocolos de prevención COVID-19.