Os nenos e nenas que participaron no Campamento de Verán ‘Coñece o teu Concello’ tiveron o punto e final á actividade cunha sesión de contacontos con Anxo Moure baixo o título de ‘Nubinete’. Ao rematar aproveitaron para refrescarse nas piscinas municipais. O campamento finalizou coa entrega de diplomas por parte do alcalde, Luis Fernández Guitián, e unha comida todos xuntos.

Ao longo de todo o mes os participantes no campamento levaron a cabo numerosas actividades, así como difetentes saídas a lugares de interese do Concello, como a Rectoral de Anllo, a fábrica Pulviplass, un paseo polos Canón do Sil, visita aos miradoiros ou unha ruta en kayak, entre outros.

Tamén participaron nunha xincana pola igualdade. Obradoiros, talleres e lecturas completan as actividades que levaron a cabo ao longo do mes de xullo.