Un total de 10.000 euros foron investidos pola Deputación de Lugo no local social de Campos de Vila -Quiroga– coa finalidade de acometer as obras de mellora que eran imprescindibles para o seu pleno rendemento. O total do investimento foi para o revestimento de cerámica no chan do centro.

O local social dá servizo a 100 veciños das Parroquias de Campos de Vila, Revide e A Toca. A súa creación fíxose co obxectivo de que os veciños tiveran un lugar onde reunirse, pasalo ben e socializar coa veciñanza. Tanto é así que na actualidade é o emprazamento onde se celebran as actividades lúdicas, culturais e sociais como as festividades do entroido e do magosto e as reunións de toda índole como por exemplo as da Comunidade de Montes.

Santos Ramos, Deputado de Relacións Institucionais da Deputación de Lugo, salienta que “dende o goberno buscamos mellorar a calidade de vida dos nosos veciños, independentemente de onde vivan, pois somos unha Deputación social, rural e comprometida coas persoas. É a segunda axuda que achegamos a esta asociación nos últimos anos. Con anterioridade restauramosn a Fonte da Toca e os camiños do redor, contribuíndo á mellora do benestar social dos veciños de Quiroga”.