As Áreas de Rehabilitación Integral declararanse por resolución da Presidencia do Instituto Galego da Vivenda e Solo, a petición dos concellos interesados en que se declare unha área no seu territorio. Poderán tamén declararse de oficio polo Instituto Galego da Vivenda e Solo, cando a área comprenda máis dun concello e motivos de interese arquitectónico, cultural ou social así o aconsellen. Segundo as bases, cada vivenda unifamiliar podería obter ata un máximo do 75% do investido. Nunha zona recoñecida como Xeoparque e galardoada pola UNESCO, polas construcións coa técnica en seco, isto serviría, segundo C@urel Vivo, para dar traballo á xente mantendo o patrimonio con vida e para atraer xente nova.
C@urel Vivo considera a máis convinte a Área de rehabilitación rural, que son as áreas de rehabilitación integral que se declaran en concellos menores de 5.000 habitantes e a súa configuración é predominantemente rural.
Segundo C@urel Vivo á Xunta de Galicia, “pouco lle interesa como estean as edificacións e as aldeas no Courel,” polo que entenden, “que de oficio non o van a declarar.” Así o o Grupo Municipal de C@urel Vivo, propón ao Pleno a adopción do seguinte ACORDO:
- Solicitarlle a Consellaría de Territorio e Vivenda que poñan en marcha un plan para rehabilitación de vivendas para propietarios que se desexen acoller.
- Solicitarlle á Xunta de Galicia un convenio para manter en pé as construcións, que non sendo vivenda, os propietarios desexen mantelas en correcto estado. Tales como cabanas, muíños, albares, etc.
