As últimas falecidas da residencia do Incio son dúas mulleres de 94 e 86 anos que, aínda que procedían do centro xeriátrico, atopábanse ingresadas no Hospital Universitario Lucus Augusti (HULA) de Lugo. Con estas, son nove as mortes relacionadas co brote da residencia, que tivo que ser intervida pola Xunta e que supera o cento de afectados.

E os casos activos de coronavirus na provincia ascenden a 786, 27 máis ca onte, dos que 33 están en hospitalización, 32 no HULA e 1 no Hospital da Mariña. 750 persoas están en domicilio, cando na provincia se levan producido desde o inicio da pandemia, 41 falecementos.