A feira do día 6 de cada mes no Mercado Gandeiro de Monforte suspéndese neste mes de setembro por decreto da alcaldía, debido á situación de crise sanitaria derivada da COVID-19 e co obxecto de que non se produzan situacións de risco sanitario para a cidadanía.

O Concello de Monforte informa tamén sobre o corte de tráfico de vehículos que se levará a cabo mañá, día 3 de setembro, pola mañá na rúa Doutor Fleming, debido ós traballos que ten que levar a cabo nesta rúa a empresa FCC Aqualia.

O tramo de vía que será cortado será dende o número 1 da rúa Doutor Fleming ata o cruce coa vía que transcorre parella á vía do tren. O corte levarase a cabo dende as 9 da mañá e ata o remate dos traballos.