A área sanitaria de Lugo, A Mariña e Monforte contabiliza este luns, 7 de setembro, 816 casos activos, 6 máis ca onte. Deles 3 están ingresados no hospital da Mariña, o hospital de Monforte pasa de 1 a 2 hospitalizados, 10 están no POLUSA e 55 no HULA que conta con 5 pacientes na UCI. A provincia conta con 756 pacientes con Covid19 en domicilio.

A día de hoxe lévanse producido 1.546 altas e 50 falecementos na provincia. Galicia detectou 214 novos positivos por coronavirus nas últimas 24 horas, que, a pesar de ser unha importante cifra de contaxios é a menor en seis días, e o total de casos activos incrementouse en 68, ata situarse en 4.243, de acordo cos datos que proporciona este luns a Consellería de Sanidade, tomados na tarde do domingo.