Homesociedade12.000 euros para AFA Chantada

12.000 euros para AFA Chantada

A institución provincial destina 12.000 euros á Asociación de Familiares de Enfermos de Alzhéimer de Chantada para prestar este servizo a persoas e familias que sofren esta doenza, sobre todo en zonas rurais

Publicado o

POR
Redacción
- Advertisement -

O Presidente da Deputación de Lugo, José Tomé Roca, e o presidente de AFA Chantada (Asociación de Familiares de Enfermos de Alzheimer), Enrique Rojo Rojo, asinaron un convenio de colaboración polo cal o organismo provincial achega 12.000 euros ao colectivo para o servizo de transporte de 10 usuarios e usuarias no concello de Chantada, sobre todo en zonas rurais. 

O Presidente puxo en valor “o esforzo e traballo que fan os colectivos sociais, como por exemplo AFA Chantada, prestando atención profesional ás persoas que máis o necesitan, nunha provincia como a de Lugo, envellecida e cunha dispersión xeográfica tan grande que complica a atención”.

A Asociación de Familiares de Enfermos de Alzheimer de Chantada é un colectivo sen ánimo de lucro que ten como fin que os doentes acaden o maior grado de autonomía posible e potenciar as relacións e actividades socias, para evitar o illamento social. O colectivo desenvolve diariamente obradoiros de memoria, estimulación cognitiva e exercicios de ximnasia no seu centro terapéutico. Ademais, ofrece ás familias acompañamento e apoio psicolóxico. 

ÚLTIMAS

Olalla Rodil destaca en Sarria que o BNG traballará desde o congreso para mudar a política industrial

Rodil visitou o Polígono do Morelle xunto co Vicepresidente da Deputación e concelleiro do...

Chantada reforza o acceso á información turística nun outono que segue atraendo visitantes á Ribeira Sacra

Destaca o interese dos visitantes nesta época do ano na que a paisaxe do...

A Deputación adxudica a explotación dos Náuticos Ponte do Sil e Maiorga

Con estes acordos, a institución provincial dá continuidade á actividade turística e de lecer...

Beth Willard, recoñecida xornalista e crítica de viños, visitou a Ribeira Sacra

O Consello Regulador da Ribeira Sacra encargouse de coordinar a estancia e a programación...