O pasado 4 de marzo, día en que Xela Arias cumpriría 59 anos, comezaron en Sarria os actos de homenaxe con motivo das Letras Galegas 2021. A mellor forma de honrar a esta senlleira intelectual sarriá foi inaugurando a exposición “Xela, aquela nena de Sarria”, obra do colectivo Egeria.
A exposición itinerante comezou a súa andaina o pasado 9 de marzo no IES Xograr Afonso Gómez e percorrerá todos os centros educativos do Concello de Sarria, co que todos os estudantes poderán achegarse á vida e obra e sobre todo, a nenez, de Xela Arias.
O Concello de Sarria, ademais de agradecer publicamente a iniciativa ao colectivo Egeria, trasladou os agradecementos á Secretaría Xeral de Politíca Lingüística, á Real Academia Galega e moi especialmente á familia de Xela.
O Colectivo Egeria creou tamén unha web onde se pode seguir esta exposición: https://aquelanenadesarria.gal/gl/a-exposicion
DATAS E CENTROS ONDE SE PODE VER A EXPOSICIÓN
Días 9, 10, e 11 de marzo: IES Xograr Afonso Gòmez
Días 12 e 15 de marzo: CP Frai Luis de Granada
Días 12 e 15 de marzo: EEI de Sarria
Días 16, 17 e 18 de marzo: IES Gregorio Fernández
Días 22 e 23 de marzo: Colexio “Da Merce”
Día 24 de marzo: CP Antonio Fernández López
Días 25 e 26 de marzo: Nosa Señora da Asunción
