HomesociedadeMonforte renova os votos coa Virxe de Montserrat

Monforte renova os votos coa Virxe de Montserrat

Como é tradición, no Martes de Pascua, festivo local en Monforte, volvéronse a celebrar os actos das honras á Virxe de Montserrat.

Publicado o

POR
Redacción
- Advertisement -

A comitiva institucional, encabezada polo Alcalde, José Tomé Roca, así como diversos membros da Corporación municipal e representantes dos distintos corpos e forzas de seguridade do Estado, partiu da Casa do Concello para asistir, ás 11 horas, á misa na honra da Virxe de Montserrat, na Igrexa da Régoa. A Igrexa de San Vicente, lugar que tradicionalmente acolle estes actos litúrxicos, segue pechada debido ás obras de restauración que nela se están a levar a cabo.

Tras a celebración eucarística, tal e como marca a tradición, o Alcalde de Monforte renovou os votos coa Virxe e procedeuse á bendición dos campos. “Dende o Equipo de Goberno do Concello, comprometémonos, ante a crise do coronavirus, a manter esta importante tradición dos monfortinos e monfortinas na honra á nosa Patroa, a Virxe de Montserrat, e deste xeito, dado que a actual situación nos permitiu a súa celebración no propio Martes de Pascua, recuperamos unha tradición que o ano pasado vímonos obrigados a ter que aprazar”, manifestou o Alcalde.

ÚLTIMAS

Está a arder Roxe de Sebes?

Em Soldom contarom-nos que naquela altura houvo quem pensou que César que podia ser...

Deteñen en Bóveda unha persoa requirida por un xulgado de Huesca

A Garda Civil detivo a unha persoa na localidade lucense de Bóveda tras non...

A Pobra do Brollón celebrará As Cores do Outono o 27 de setembro

O Concello da Pobra do Brollón vén de presentar o cartel da XI edición...

O lume non dá tregua no Concello de Quiroga

O incendio que saltou de Larouco a Quiroga o pasado 15 de agosto está...