HomeDeportes“Unha fin de semana espectacular que nos levou á terceira posición por...

“Unha fin de semana espectacular que nos levou á terceira posición por clubes”, Santi Díaz, Club Quixós

O club de piragüismo monfortino chegou de terras catalás con ese mérito deportivo a nivel colectivo e un total de 12 medallas. Repasamos os resultados ao detalle.

Publicado o

POR
Redacción
- Advertisement -

A expedición monfortina do Quixós xa está en Monforte tras pasar unha fin de semana por terras de Lleida, concretamente en Ponts e Camarasa, poboacións onde tiveron lugar dúas competicións de piragüismo a nivel nacional: a Copa de España de descenso nas modalidades de esprint e clásica, e o Campionato Nacional de patrullas

Comentamos co director deportivo, Santiago Díaz, para coñecer as sensacións e facer balance. Con gran satisfacción dinos que o balance foi moi positivo “xa que despois de levar sen competir ano e medio en descenso, os nosos rapaces, incluídos os veteráns, deron moito de si e aí están as 7 medallas conseguidas o sábado en ‘sprint’ e as 5 conseguidas na xornada do domingo na ‘clásica’ de Camarasa”.

Dentro do alto nivel xeral dos palistas e das palistas que se desprazaron a competir, santi destaca “os cadetes, as dúas rapazas, Noa, Ximena, e Efrén, que estiveron no podio tanto en K-1 como en C-1; a primeira posición de Gabriel no K-1 xuvenil cun tempo espectacular xa que na categoría sénior quedaba entre os sete primeiros; e a medalla de bronce de Carlos Serafín en veteráns”.

Gabriel no podio. Foto: Quixós

Santi tamén puxo en valor a gran participación de Claudio no C-1 senior con dúas cuartas posicións no sprint e clásica. Máis se cabe tendo en conta que “non tiña categoría en xuvenís e subírono á categoría superior”.  

A nivel colectivo o Club Quixós quedou terceiro, por detrás do ‘Sicoris Club’ e do ‘Fluvial O Barco’.

AS MEDALLAS

Noa Díaz: 3 medallas de ouro. En K-1 e C-1 ‘sprint’, e en K-1 ‘clásica cadete’.

Ximena Prats: 3 medallas de prata. En K-1 e C-1 ‘sprint’, e en K-1 ‘clásica cadete’.

Noa e Ximena recollendo medallas. Foto: Quixós

Efrén Álvarez: 2 medallas de ouro, en C-1 e K-1 ‘sprint’, e 1 medalla de prata en K-1 ‘clásica cadete’.

Gabriel: 1 medalla de prata en K-1 ‘sprint’ e 1 medalla de ouro en K-1 ‘clásica xuvenil’.

Carlos Serafín: 1 medalla de bronce en K-1 ‘clásica veterano’.

ÚLTIMAS

Beth Willard, recoñecida xornalista e crítica de viños, visitou a Ribeira Sacra

O Consello Regulador da Ribeira Sacra encargouse de coordinar a estancia e a programación...

Máis de 550 participantes inscritos para o QTC 2027

Conta atrás para a celebración do Quiroga Trail Challenge 2027, proba que conta xa...

Tomé presenta uns Orzamentos de 21,5M€ incrementándose nun 16% con respecto ao 2025

O orzamento será sometido a debate e aprobación no Pleno municipal do vindeiro luns...

O BNG de Monforte esíxelle ao Concello solucións para as traballadoras da limpeza nos colexios públicos

A formación nacionalista lembra que xa preguntou no anterior pleno pola situación destas traballadoras...