As asociaciós culturais de Monforte teñen de prazo ata o vindeiro día 27 de agosto para solicitar as axudas económicas que lles dá o Concello. Do mesmo xeito, as asociacións sociais, teñen de marxe ata o día 29 para demandar dita prestación municipal. O obxectivo destas prestacións é aumentar a participación cidadá e fomentar que haxa novos actos culturais e por outra banda, apoiar a aquelas entidades que desenvolvan actividades e proxectos de carácter social que garanten a igualdade de oportunidades.
Dende o Concello informan que se destinará unha partida de 24.000 euros en total, 12.000 para as asociacións culturais e outros tantos para axudas sociais.
O mandatario local destaca que, “con esta partida imos axudar a facilitar recursos e itinerarios de inclusión social, garantir a autonomía persoal e brindar oportunidades sociais e educativas ós menores”.
