Do acto de pegada de carteis participou o candidato ao Senado, Roberto Castro, que acompañou aos militantes e simpatizantes socialistas nesta tradicional celebración de inicio de campaña.

O candidato estivo arroupado polo alcalde de Monforte, José Tomé, e outros membros do equipo de goberno do concello de Monforte, como a Tenente de Alcalde, Gloria Prada, e os concelleiros José Luis Losada, Marina Doutón, José Manuel Mougán, Regina López e Miguel Tomé.

O acto serviu para marcar o arranque dos próximos días de actividade electoral do PSdeG-PSOE na cidade e comarca. “Comezamos co respaldo, o entusiasmo e a implicación dos asistentes, que quixeron estar presentes nesta para inciar a campaña electoral con forza, ilusión e espírito de participación”, destacan desde o PSOE.