HomesociedadeRuta xeolóxica do alumnado do IES A Pinguela

Ruta xeolóxica do alumnado do IES A Pinguela

O alumnado de 1º de Bacharelato con Bioloxía realizou un percorrido pola Comarca de Lemos e A Teixeira dirixida polo xeólogo ourensán Eduardo González Clavijo.

Publicado o

POR
Redacción
- Advertisement -

A natureza converteuse na aula dunha actividade organizada polo Departamento de Bioloxía do IES A Pinguela para o alumnado de Bacharelato que cursa esta materia.

Na que foi unha das primeiras viaxes do curso, por mor das restricións da pandemia, os escolares saíron do centro para percorrer unha ruta científica por terras da Comarca de Lemos e as ribeiras do río Sil. Durante a expedición, estiveron guiados polo xeólogo ourensán Eduardo González Clavijo.

A primeira etapa desta viaxe científica tivo lugar no monte Marroxo, onde
lembraron brevemente a historia do planeta e a orixe da vida. De
seguido, coñeceron a formación xeolóxica da Fervenza do Cachón no río Vaos e a zona das Marmitas de Xigantes.

Unha vez no Concello da Teixeira, o grupo puido estudar a formación
coñecida como Ollo de Sapo, e analizar a súa singular tipoloxía de rocas.
Logo dun descanso na Fábrica da Luz, continuaron desenvolvendo o traballo de campo dende a pasarela do río Mao, observando as características do granito desta zona, tendo en conta a súa dureza e o que isto significa para a paisaxe e os asentamentos humanos nesta zona.

No miradoiro de Souto Chao. Foto: IES A Pinguela

Por último, nas proximidades de Monforte, os estudantes puideron observar a estrutura das arxilas que integran o terreo do val de Lemos, así como detectar as fallas na súa configuración.

ÚLTIMAS

Beth Willard, recoñecida xornalista e crítica de viños, visitou a Ribeira Sacra

O Consello Regulador da Ribeira Sacra encargouse de coordinar a estancia e a programación...

Máis de 550 participantes inscritos para o QTC 2027

Conta atrás para a celebración do Quiroga Trail Challenge 2027, proba que conta xa...

Tomé presenta uns Orzamentos de 21,5M€ incrementándose nun 16% con respecto ao 2025

O orzamento será sometido a debate e aprobación no Pleno municipal do vindeiro luns...

O BNG de Monforte esíxelle ao Concello solucións para as traballadoras da limpeza nos colexios públicos

A formación nacionalista lembra que xa preguntou no anterior pleno pola situación destas traballadoras...