HomesociedadeDuplícase a capacidade de vacinación no sur de Lugo tras habilitar as...

Duplícase a capacidade de vacinación no sur de Lugo tras habilitar as instalacións do Sagrado Corazón

Este martes están convocadas as primeiras 450 persoas que se vacinarán contra a covid-19 neste inmoble, aos que seguirán mañá outras 450 tamén de entre 50 e 59 anos. Para o xoves citouse por segunda vez a quen, querendo vacinarse, non puido facelo na data na que se lle chamou; e entre o venres e o sábado pasarán por este espazo 1.385 persoas de entre 65 e 69 anos para recibir a segunda dose.

Publicado o

POR
Redacción
- Advertisement -

A Consellería de Sanidade habilitou unhas céntricas instalacións en Monforte de Lemos que permiten duplicar a capacidade de vacinación no sur da provincia de Lugo. Trátase do edificio do antigo colexio Sagrado Corazón, que foi remodelado e equipado expresamente para este fin.

As instalacións contan con seis postos de vacinación, fronte aos tres que se podían utilizar ata o de agora, e dispoñen de entrada e saída independentes e zonas de espera. “O edificio estaba en bo estado e tiña unha distribución de espazos que se prestaba tanto para acondicionar puntos de vacinación como para distribuír o fluxo de usuarios atendendo aos protocolos sanitarios”, afirma o delegado territorial, Javier Arias.

Con este traslado, apunta, “dobramos o número de postos de vacinación e facilitamos asistencia mañá e tarde de luns a domingo, dado que non interfire nin se ve condicionada pola actividade do hospital”.

Este será o punto de vacinación de referencia xeral para os veciños e veciñas do sur da provincia, usuarios do Hospital comarcal de Monforte de Lemos, polo que tamén resulta cómoda a súa ubicación fronte á estación de autobuses.

ÚLTIMAS

Beth Willard, recoñecida xornalista e crítica de viños, visitou a Ribeira Sacra

O Consello Regulador da Ribeira Sacra encargouse de coordinar a estancia e a programación...

Máis de 550 participantes inscritos para o QTC 2027

Conta atrás para a celebración do Quiroga Trail Challenge 2027, proba que conta xa...

Tomé presenta uns Orzamentos de 21,5M€ incrementándose nun 16% con respecto ao 2025

O orzamento será sometido a debate e aprobación no Pleno municipal do vindeiro luns...

O BNG de Monforte esíxelle ao Concello solucións para as traballadoras da limpeza nos colexios públicos

A formación nacionalista lembra que xa preguntou no anterior pleno pola situación destas traballadoras...