HomesociedadeO Concello de Monforte súmase ao 'Día Mundial sen Tabaco'

O Concello de Monforte súmase ao ‘Día Mundial sen Tabaco’

Dentro das actividades realizadas pola Unidade Asistencial de Drogodependencias (UAD) do concello, poderá visitarse unha exposición na Casa da Cultura Poeta Lois Pereiro.

Publicado o

POR
Redacción
- Advertisement -

O Día Mundial Sen Tabaco celébrase en todo o mundo o 31 de maio de cada ano. Esta celebración anual informa o público acerca dos perigos que supón o consumo de tabaco, as prácticas comerciais das empresas tabacaleiras, as actividades da OMS para loitar contra a epidemia de tabaquismo, e o que as persoas de todo o mundo poden facer para reivindicar o seu dereito á saúde e a unha vida sa, e protexer ás futuras xeracións.

O lema neste ano é “Os que o deixan, gañan”.

ACTIVIDADES RELACIONADAS

Dentro das actividades realizadas pola Unidade Asistencial de Drogodependencias (UAD) do Concello de Monforte, poderá visitarse unha exposición na Casa da Cultura Poeta Lois Pereiro, composta por murais realizados por usuarios de Centros de Día e Asociacións de toda a Comarca de Lemos. A exposición permanecerá aberta dende este 31 de maio ata o 10 de xuño.

Mural realizado polo Centro de Día VIDA de Monforte / XdL

En dita exposición, haberá un fotocall para que as persoas que o desexen poidan facerse unha foto e subila ás redes sociais, e así colaborar nesta campaña permanente da loita contra o tabaquismo.

Na exposición colaboraron as seguintes entidades: Hogar de San José, Centro de día de Monforte de Lemos, Centro de día de Pobra de Brollón, Agora, Albores, Vida, AECC, Domus VI Bóveda, Domus VI Chantada, Centro de Maiores do Malecón, Centro de día de Escairón, Asimédica Virgen de la Luz, Afamón, Centro de día de Chantada, Espazo Xove de Chantada.

Para máis información os interesados poden dirixirse ós servizos de prevención da Unidade Asistencial de Drogodependendias do Concello de Monforte, situados na Praza da Estación, 17, no 982 400 495 e no correo electrónico uad@concellodemonforte.com.

ÚLTIMAS

Beth Willard, recoñecida xornalista e crítica de viños, visitou a Ribeira Sacra

O Consello Regulador da Ribeira Sacra encargouse de coordinar a estancia e a programación...

Máis de 550 participantes inscritos para o QTC 2027

Conta atrás para a celebración do Quiroga Trail Challenge 2027, proba que conta xa...

Tomé presenta uns Orzamentos de 21,5M€ incrementándose nun 16% con respecto ao 2025

O orzamento será sometido a debate e aprobación no Pleno municipal do vindeiro luns...

O BNG de Monforte esíxelle ao Concello solucións para as traballadoras da limpeza nos colexios públicos

A formación nacionalista lembra que xa preguntou no anterior pleno pola situación destas traballadoras...