O éxito da exposición que permaneceu desde a segunda quincena de xullo no Círculo Recreativo e Cultural de Chantada fai que se leve a outros concellos da comarca. Ata o 21 de agosto poderase ver na Casa da Cultura de Taboada e do 23 de agosto ao 7 de setembro levarase á Casa do Concello de Carballedo.
Segundo a asociación organizadora a exposición recibiu moitos visitantes mentres estivo en Chantada o que os animou a trasladala a outros concellos da contorna, aproveitando a afluencia de visitantes nesta época do ano. A iniciativa pretende tamén achegar a cultura a lugares pequenos e poñer en valor espazos expositivos que non se estaban utilizando e que ofrecen moitas posiblidades, como a Sala de Exposicións de Taboada, como apuntan desde a Asociación.
As fotografías que conforman a exposición son imaxes da zona, o que sumado ao carácter itinerante da mostra e á época de maior asistencia de visitantes, axudará a dar visibilidade ao patrimonio da zona e aos recursos turísticos.
CÍRCULO SAVIÑAO
O Círculo Cultural e Recreativo do Saviñao acolle este sábado día 18 ás 23.00 h., concerto lusófono do cantautor angolano Alberto Mvundi e o 26 de agosto ás 20.00 inaugurarase a exposición de acuarelas de Sé Senande “Postais de Lalín e comarca”.
