As actividades, organizadas pola pedagoga, Ana Randolfe, coa colaboración da Asociación de Veciños O Bubaíño -Castro-, e financiadas polo GDR Miño-Ulla, comezarán ás 10h da mañá falando de Comercio Xusto coa ONG Solidariedade Internacional de Galicia; farase tamén unha cat de cacaos.
Ás 12h darase paso a un coloquio sobre Ecofeminismo, no que participarán mulleres como Rosa Arcos (ex-presidenta de FADEMUR Galicia) ou Beatriz Rodríguez Morales (Doutora Enxeñeira de Montes pola USC). Xa pola tarde, ás 16h, presentarán os seus proxectos representantes da Asociación As Espigadoras, da Asociación Pedagóxica Casa da Ponte e da Granxa Casa da Fonte. Rematará a xornada cun obradoiro guiado por dúas enxeñeiras agrícolas sobre a creación de bombas de biodiversidade seguindo a técnica Nendo Dando.
Todas as actividades son gratuítas. No caso da primeira, de Comercio Xusto -que inclúe unha cata de cacaos-; e da última -o obradoiro-, cómpre inscribirse no link que se atopa nos carteis e no Facebook en: GDR Asociación Miño Ulla ou Aavv. O Bubaiño De Castro.
