A Biblioteca Municipal do Saviñao continúa en agosto co ciclo de actividades do Programa Ler conta moito deste ano, coa actividade A cinecleta: cóntame un cine, o venres 6 ás 12 da mañá, coa que se repasará a historia do cinema mesturado con contos cinematográficos, coñecendo os fondos mariños das Illas Atlánticas, ou algún elemento da nosa historia máis próxima, proxectados desde a cinecleta.
Aplicaranse as medidas Covid establecidas para actividades culturais, polo que as prazas serán limitadas e deberán reservarse os días 4 e 5 presencialmente na biblioteca ou no teléfono 982 452324 en horario de 8:30 a 14:30.
E no Concello de Pantón, o vindeiro sábado, día 7, na praza do Concello contarase co show “Tabú”, un espectáculo de narración oral coa misión de transmitir as historias de confusión, segredismo, amor, picaresca e sexualidade das mulleres que son cimento da nosa terra. As que poden explicar o que somos agora nós: Fillas do Tabú. Un tendal para poñer ó clareo todas as intimidades.
