O pleno do concello de Chantada volve a tratar a modificación da ordenanza sobre o imposto de construcións, proposta á que os socialistas xa presentaran alegacións. No pleno de xullo, o PP retoma a modificación desta ordenanza, pero sen ter en conta algunha das condicións “prioritarias” que propoñían dende o principal grupo da oposición, como manter as bonificacións do 95% nas construcións que se leven a cabo no Polígono dos Acivros.
A portavoz do PSOE explica que o Concello “non vai bonificar a ese 95% as construcións gandeiras, e tampouco axudará nas rehabilitación de vivendas, unha reivindicación que levamos esixindo dende o partido socialista dende hai moito tempo”, aclaran dende o grupo socialista. Un abandono do rural que “tamén se escenifica na falta de redes de saneamento, traídas de auga e adecentamento dos viais, tal e como nos contan habitualmente veciños e veciñas como os de San Fiz e, por desgraza, de case todas as aldeas”, lamenta Raquel López.
Ademais, no mesmo pleno, o PSOE chantadino presentou tamén a xeito de rogo, a situación de varias zonas do Concello que considera totalmente abandonadas; como a falta de limpeza do Miradoiro de San Fiz, “Son imaxes de abandono en Chantada que reflicten o abandono do PP ó Concello que gobernan”, conclúen dende o grupo socialista.
