O Grupo Municipal Popular demanda ao goberno local a posta en marcha canto antes do dispositivo de desbroce das marxes das estradas municipais que dan acceso aos núcleos de poboación do municipio.
Os populares xa denunciaran esta situación o mes pasado. Parada explica que “son moitos os veciños que nos teñen trasladado as súas queixas polo estado que presentan as pistas invadidas pola maleza”.
O popular advirte de que “a maleza supón problemas para a seguridade dos usuarios porque reduce a visibilidade tanto dos vehículos coma dos peóns”. Ademais, “esta situación ofrece unha mala imaxe do noso municipio”.
O voceiro do PP cre que “o alcalde e o goberno municipal están a desentenderse de coidado das vías municipais que serven de acceso ás vivendas dos veciños e tamén aos puntos de interese turístico coma rutas que se atopan inaccesibles pola falta de desbroce”.
O popular considera, ademais, “unha incongruencia” que o goberno local se dirixa aos veciños para esixirlles a limpeza das súas fincas, pero que o propio Concello non acondicione as marxes das estradas que son da súa titularidade. Nese sentido, Parada cre que “a administración local debería dar exemplo e manter controlada a maleza nnos terreos que son das súa titularidade para contribuír a evitar riscos de incendio.
