Por mor dos actuais datos de incidencia da Covid19 no Concello de Monforte, todas as instalacións deportivas permanecerán pechadas. Entre elas, a piscina climatizada e o ximnasio municipais poderán ser utilizadas, unicamente, para a práctica deportiva federada, tanto para adestramentos como para competicións.

Por este motivo, só os clubs federados poderán facer uso destas instalacións debendo axustarse no seu uso aos correspondentes protocolos federativos de cada modalidade, tal e como se publica na ORDE do 25 de xuño de 2021 pola que se establecen medidas de prevención específicas como consecuencia da evolución da situación epidemiolóxica derivada da Covid-19 na Comunidade Autónoma de Galicia.

Para regular esta situación, e adaptala á normativa actual, o Alcalde do Concello, José Tomé Roca, vén de decretar a modificación do protocolo de uso da piscina climatizada e o ximnasio municipais que entrou en vigor ao inicio da pandemia e que se foi modificando e adaptando á situación e normativa de cada momento.

Esta situación manterase mentres o nivel de restricións no Concello de Monforte se manteña en nivel máximo.