O incendio que se orixinou esta madrugada no municipio de Quiroga, na parroquia do Hospital, está controlado, segundo informaron a Europa Press fontes da Consellería de Medio Rural.

O lume orixinouse sobre as 00,54 horas desta madrugada na parroquia do Hospital, nun dos municipios da Serra do Courel que forma parte de Rede Natura, aínda que desde a Consellería de Medio Rural manifestaron que non tiñan constancia de que afectase á zona de protección.

Nos labores, os servizos de extinción contaron con apoio aéreo, con avión e helicóptero, ademais de brigadas e motobombas. En concreto, foron, segundo os últimos datos achegados, cinco axentes, 20 brigadas, así como nove motobomas, unha pa, seis helicópteros e cinco avións.