HomeMedio ambiente e PatrimonioLimpeza voluntaria do Castro do Castrelao o día 16 de outubro

Limpeza voluntaria do Castro do Castrelao o día 16 de outubro

A Asociación de Veciños/as de Vilachá de Salvadur é a promotora dun proxecto de posta en valor do Castro do Castrelao. Esta campaña, dirixida polo arqueólogo Luís Cordeiro, dará continuidade á primeira intervención realizada en 2018 baixo a dirección de Iván Álvarez Merayo.

Publicado o

POR
Redacción
- Advertisement -

A Asociación de Veciños/as de Vilachá de Salvadur solicita a colaboración de veciños e veciñas desta e doutras parroquias lindantes así como a de calquera persoa que queira colaborar coa recuperación do patrimonio histórico da Ribeira Sacra.

Esta colaboración consiste na limpeza manual de dúas áreas do castro: a croa e o antecastro. As persoas voluntarias terán que traer o material propio (desbrozadora ou semellante) e anotarse enviando un correo cos seus datos e contacto ao enderezo electrónico vilachasalvadur@gmail.com

A actividade realizarase o sábado 16 de outubro ás 9h da mañá. O lugar de encontro será o Campo da Festa, nas adegas de Vilachá de Salvadur.

As persoas que participen farano sempre a título persoal, baixo a súa responsabilidade e de maneira completamente voluntaria. A asociación non se fai responsable de posibles accidentes que poidan sufrir tanto persoas como o material propio. Ao rematar o traballo haberá uns pinchos nas adegas a cargo da Asociación de Veciños/as de Vilachá de Salvadur.

ÚLTIMAS

O 12 de abril comeza un programa piloto para visitar as igrexas da Ribeira Sacra

A Ribeira Sacra coa maior concentración de arte románico rural de Europa é un...

A D.O. Ribeira Sacra no Salón Gourmets de Madrid do 7 ao 10 de abril

O Salón Gourmets, na súa 38ª edición, consolídase como o evento europeo de referencia...

“Coreografías do facer: imaxes do traballo feminino en Gustav Henningsen”, a exposición na igrexa nova de Chantada

A igrexa nova de Chantada acolle ata o 20 de abril a exposición "Coreografías...

Monforte presenta a programación da Feira Medieval na inauguración do Mercado previo a esta cita

A 21ª edición da Feira Medieval celebrarase os días 19 e 20 de abril...