O GDR Ribeira Sacra Courel concede novas axudas a un total de 28 proxectos, que suporán un investimento total de 1.590.344,55 € e recibiran axudas Leader por un importe total de 735.844,47 €.
Dez son proxectos non produtivos promovidos por entidades públicas, que investirán 178.885,41 € e recibirán 138.864,00 € de axudas Leader. Dous son proxectos non produtivos promovidos por entidades privadas, que investirán 22.268,87 € e recibirán 15.940,00 € de axudas Leader. Dezaseis proxectos produtivos, que investirán 1.389.190,27 € e recibirán un total de 581.040,47 €.
Estes proxectos empresariais contribuirán á creación de 17 novos postos de traballo e á consolidación de 40,06 postos de traballo existentes.
O total acumulado nas convocatorias de axuda do 2017, 2018, 2019, 2020 e agora 2021 son 143 proxectos aprobados, cun investimento total de 8.189.465,40 € que recibiron un total de axudas Leader por importe de 3.985.346,66 €. O desglose acumulado no período 17-21 segundo tipoloxía de proxectos é o seguinte:
- 56 proxectos non produtivos promovidos por entidades públicas cun investimento de 1.584.209,01 € que reciben 1.154.000,84 € de axudas Leader.
- 16 proxectos non produtivos promovidos por entidades privadas, cun investimento de 131.052,96 € e unha achega de fondos leader por importe de 87.385,30 €.
- 71 proxectos produtivos, cun investimento total de 6.474.203,43 € e unha achega de fondos Leader de 2.743.960,33 €.
Estes proxectos empresariais contribuirían á creación de 60 novos postos de traballo, dos cales o 43% se corresponden a mulleres, e á consolidación de 286,99 postos de traballos existentes.
