O Deputado do BNG no Parlamento do Estado, Néstor Rego, presentou unha serie de emendas trasladadas dende os diferentes concellos da Comarca de Lugo sur.

Entre as emendas figuran o arranxo do firme, adecuación e mellora na seguridade vial da N120, principal vía de comunicación desta Comarca e que conta cun elevado volume de tráfico rodado, outra das iniciativas é a recuperación das antigas vías de comunicación fluviais entre os concellos da ribeira, como método de fixación de poboación e para o desenvolvemento socioeconómico.

Tamén presentarán unha emenda sobre o arranxo do firme de aproximadamente 32,7 km da N540 comprendido entre os concellos de Carballedo e Taboada, así como o incremento no número de carrís onde sexa posible.

“Coma sempre, o goberno do Estado esquece ou ignora as necesidades do interior  da Galiza, en concreto da zona do sur de Lugo” di a Responsable Comarcal do BNG, Rosana Prieto. “BNG quere mellorar o trato que os orzamentos do Estado dan a Galiza.”