A Rede Museística Provincial de Lugo preparou unha programación de Nadal para ofrecer a rapazada diferentes obradoiros e actividades vinculadas ás tradicións e hábitos destas datas. O programa e o formulario de inscrición nas distintas actividades está dispoñible na plataforma multicanle  www.comunidadermpl.es.

Actividades do Museo Pazo de Tor

A LUMINARIA EN TOR. Un obradoiro moi recorrente no Pazo de Tor porque entusiasma aos máis cativos, e máis por estas datas, cando a luz das candeas e quinqués gardan un significado moi especial, imposible sen as nosas amigas, as abellas, protagonistas deste Obradoiro. A cita será o 22 de decembro a partir das 12.00

AS POSTAIS, ULAS? Hoxe, coas novas tecnoloxías e coa dixitalización, muda o xeito de nos relacionar e mesmo de transmitir afecto a parentes e seres queridos. As postais de Nadal tiñan o noso selo, por aquilo que escribiamos no seu reverso. Realizaranse postais coa técnica do gravado. Este obradoiro celebrarase o 23 de decembro a partir das 12.00.

OBSERVACIÓN ASTRONÓMICA. A maxia dos ceos observarase nun escenario idílico como é o Pazo de Tor. Será o 28 de decembro entre as 19.00 e 20.00h.