Moita xente é recolledora de sabedoría e de utensilios que xa están en desuso no Courel, pero Courel Vivo considera que non se debe esquecer nin deixar que se perda toda esa tradición de patrimonio material e inmaterial.
Unha destas persoas que se adicou, e adica parte da súa vida a recolleitar e aprender cousas antigas, é Xan de Vilar. Polo que desde CV consideran que unha posibilidade é dar o seu nome a dito museo.
“O problema que teñen as coleccións que hai no Courel é que están en lugares privados e pode que nun futuro deixen de estar accesibles para a xente, mesmo que se poidan vender para fóra do Concello”, isto leva a Courel Vivo a pensar na opción de Museo da Labranza, que se ubicaría nun local do concello onde se recollan tanto pezas antigas que a xente doe , como vídeos e outro material que reflicta ó que foi o o traballo e festas noutras épocas .
CV propón para a súa ubicación a escola de Eiriz para albergar as coleccións que se puidesen obter, ou no seu defecto se busque outro emprazamento.
