O pasado 19 de decembro desde Por Chantada aseguran que se dirixiron ao Concello de Chantada solicitando información sobre os produtos que se botaron en varias rúas e baixo que protocolos e condicións se fixo. “Coma de costume, este grupo non obtivo resposta, unha tónica que vén sendo demasiado habitual, xa que tampouco se nos está dando en tempo e forma acceso a outra documentación que demandamos para poder exercer o noso labor de fiscalización da nefasta xestión municipal,” denuncian desde Por Chantada.

No 2015 o concello aprobaba por unanimidade, a moción de Por Chantada para prohibir o emprego de herbicidas para usos non agrarios no concello de Chantada. “A pesar disto, o Goberno municipal segue a facer caso omiso dos acordos e actúa con total opacidade,” aseguran desde Por Chantada.

No 2017 Por Chantada propuxo un protocolo para o emprego correcto dos fitosanitarios no termo municipal, debendo sinalizarse e informar correctamente do seu uso, por afectar á saúde das persoas e ao Medio ambiente. Lembran “Conseguiramos que aparecese sinalización por primeira vez, aínda que esta fose incorrecta e incompleta. No entanto, desde entón, coa mudanza de titular ca Consellaría de Medio Ambiente, retrocedemos. Con estes antecedentes, Por Chantada reitera as súas demandas sobre este tema,