Na media mañá deste domingo, 30 de xaneiro, concentráronse ao redor de 250 persoas na Estación do FF.CC. San Clodio- Quiroga para berrar ao unísono ‘San Clodio non pode perder máis trens’ lema co que o BNG do Sur de Lugo deu comezo a unha campaña de reivindicación para o reforzo da liña que “uníu historicamente Galiza con Castela e a nós co resto de Galiza”, recordou a responsable comarcal, RosaAna Prieto Florines, que presentou a campaña para lembrar a importancia do ferrocarril como elemento de desenvolvemento e de loitar contra o despoboamento nas comarcas do interior galego.
Citou tamén o desmantelamento continuado do ferrocarril, e apostou por “aportar solucións e non culpables” e convidou a todos os partidos políticos a unírense a unha demanda xusta e boa para todos. Sinalan desde o BNG que “o problema é político e a solución debe sela tamén, por iso estamos a disposición de todos o mundo, xa que nunca se lle pediu o carné a ninguén e menos cando é un clamor o peche de servizos que sufrimos’.
Neste acto tamén se lembrou que a cesión de terras por parte do ‘Batanero’ para a construción do ff.cc. incluía entre as cláusulas para a cesión das terras a obriga de parar en San Clodio. Tamén falou das consecuencias da chegada do AVE a Ourense que xerou cambios de horarios en San Clodio, coa conseguinte perda de enlaces.
Desde a representación dos traballadores ferroviaros denunciouse a privatización das liñas ferroviarias rendibles mediante as fórmulas das contratas, e tamén se sinalou o perigo de peche das que non dan beneficios.
