O Círculo Saviñao celebra este ano o entroido coa actuación do grupo “Movilla y los Irrepetibles”, formado por Javier Movilla, natural de Castro Caldelas e amante da música mexicana; Andrés Montes e Toni Fernández, de Gin Tonis; e Iván Pérez Losada ao acordeón. O concerto será o luns 28 de febreiro ás 19:00 h. no local social da entidade.
O seu carácter afable reflíctese no seu espectáculo, no que rinde homenaxe aos grandes autores e intérpretes do xénero, desde os clásicos como Jorge Negrete, Vicente Fernández ou Chavela Vargas, ata versións de coñecidísimos artistas nacionais como Joaquín Sabina, Revolver, Los Secretos, Loquillo, Miguel Ríos ou Antonio Flores.
“Un concerto divertido, peculiar e repleto de momentos para disfrutar…” segundo palabras de Enrique Sampil, presidente do Círculo Saviñao.
Por segundo ano, e dada a situación sanitaria, a xunta directiva decidiu non ofrecer o tradicional baile de disfraces. Entenden que aínda non é o momento deste tipo de concetracións e por moito tempo pero si consideran que procede o concerto e así “trasladar ao público de Escairón algo de ambiente festivo coas precaucións habituais de ventilación, distancia e mascarilla desta pandemia aínda presente”.
