O Concello de Sober organiza unha xornadas multideportivas infantís gratuítas para a Semana Santa. Trátase dun programa lúdico e de actividades deportivas que se levará a cabo os días 11, 12 e 13 de abril en horario de mañá, de 10:30 a 13:30 horas.

Desenvolveranse actividades relacionas co voleibol, xogos tradicionais, xogos de cooperación, xincanas, xogos de pistas, actividades musicais e de baile, entre outra. Levaranse a cabo no pavillón do CEIP Plurilingüe Virxe do Carme de Sober.

Ofértase un total de 15 prazas. A idade para participar nesta actividade será a comprendida entre 7 e 12 anos. Terán preferencia os/as nenos/as empadroados/as no Concello de Sober. A inscrición realizarase presencialmente no rexistro do concello ou de modo telamático, a través da sede electrónica.

Se existe máis demanda que prazas ofertadas nunha semana, cubriranse as prazas por rigorosa orde de entrada das solicitudes no rexistro do Concello. Así mesmo, crearase unha lista de agarda para cubrir as prazas que poidan quedar vacantes.