HomeEconomíaObras de renovación da estrada de Monforte a Currelos

Obras de renovación da estrada de Monforte a Currelos

A Deputación de Lugo comezou esta semana novas obras de mellora da estrada LU-P-3202, que conecta a cidade do Cabe coa localidade de Currelos, no concello do Saviñao.

Publicado o

POR
Redacción
- Advertisement -

Con este proxecto, cun investimento duns 230.00 euros, a Deputación de Lugo actuará no conxunto da estrada dende o quilómetro 0 ao 24 con tarefas de limpeza de cunetas, drenaxe e substitución da sinalización vertical. Ademais, botará aglomerado entre o quilómetro 0 ao 0,455 e do 0,770 ao 3,070.

O Presidente da Deputación de Lugo, José Tomé Roca, salientou a importancia destes traballos e recalcou que “a mellora das comunicacións é unha prioridade para o Goberno”. Así mesmo, dixo: “defendemos a mobilidade como un dereito básico dos veciños e veciñas da provincia porque cremos que unha boa rede de estradas é fundamental para o equilibrio territorial e para o desenvolvemento do rural, porque axuda a fixar poboación e a achegar os servizos”.

MELLORAS NOUTRO TRAMO

O organismo provincial tamén ten en execución a mellora doutro tramo desta vía por un importe que ascende a 133.100 € para actuar do quilómetro 6,9 ao 10,4. Segundo informan, nestas obras a institución xa se limparon as cunetas e procederase ao estendido do aglomerado en quente nas vindeiras semanas.

Entre as obras xa acometidas e as que están en execución a día de hoxe, a Deputación leva destinado a esta estrada considerada de gran importancia para a zona sur da provincia un total de 600.000 €.

ÚLTIMAS

“Entre Bruxas” en Torbeo, este 21 de novembro desde as 18:00

No 2025, asociación e concello puxeron en marcha «Tempo de Bruxas», un encontro dedicado...

Mitin dos socialistas en Quiroga e encontro en Taboada

Os candidatos do PSdeG ao Congreso e ao Senado por Lugo, Patricia Otero e...

AulABERTA presenta o último poemario de Abraham Pérez este 19 de novembro no Centro do Viño

O acto celebrarase ás 19:00 horas no Centro do Viño de Monforte de Lemos...

“O Son da Serra, cando O Courel derramou bágoas de cinsa” proxéctase este 19 de novembro no Multiusos de Samos

O Son da Serra, Cando O Courel derramou bágoas de cinsa é o filme...