Un home acusado de non presentarse a unha mesa electoral na que fora designado como suplente de vogal, en Láncara, nas eleccións de 2019 aceptou unha multa de 1.800 euros.

Finalmente, houbo conformidade e non foi preciso que se celebrase xuízo na Audiencia Provincial de Lugo ao asumir os feitos e aceptar esa multa de 1.800 euros, segundo confirmou a avogada do procesado que quixo manterse no anonimato.

Segundo recollía o escrito da Fiscalía, o 28 de abril de 2019, notificóuselle persoalmente ao acusado que fora designado pola Xunta Electoral de Zona como primeiro suplente do segundo vocal dunha mesa electoral de Láncara.

O home tiña que acudir ás 8,00 da mañá dese día, con motivo da celebración das eleccións municipais e ao Parlamento Europeo previstas para o 28 de abril de 2019. O escrito do fiscal recollía que faltou a esa obrigación “sen que conste causa xustificativa de tal ausencia”, polo que en principio pedíaselle unha pena de 18 meses de multa a razón de 20 euros ao día, o que sumaba 10.800 euros.

O Ministerio Público considerou estes feitos constitutivos dun delito de incumprimento en mesa electoral.